शिवं..सुंदरम..!!!

धावपळ..धडपड....

तुझी माझी..सर्वांची,

जीवन अधिक सुलभ 

अन् सुंदर करण्याची.

स्वप्न ध्यानी आणि मनी

जिद्द.. सर्व कमावण्याची.

काळ क्षण तन मनं बदलली.

आणि गमावली उर्मी

मनमोकळा श्वास घेण्याची..!

विवेक विचार हरपला.

ओलावा निमूट सुकला.

संपन्न नितळ नात्यांचा.

संवाद मोबाईल झाला.

भान सुटले सदा भोळा

तारतम्य नाही कानीडोळा.

जीवन गढूळ ..एकोपा गेला... 

ओठ शब्दच विसरले.

बोल विरत विरत गेले.

सतत कनेक्टेड तु आणि मी, 

कुठेही कुणी कुणांचच नसतं,

इंटरनेट महाजालावर..वेग वेडं

काहीही....सहज आणि,

सहन होण्याच्या पलीकडचं घडतं.

हॅकर्स सावज हेरतात.

ॲप्स महागात पडतात.

साईटस् चक्क लुटतात.

भावना मात्र शुन्य बनतात.

स्वप्नी छंदीफंदी जीवन

वेग सुद्धा अचंबित झाला.

विषाणू युद्धास आला.

शिरली कुरुपता अंगी

मुखपट्टी बनली ढाल 

भयभिती तलवार म्यान

घर-बंदी बनून राहिले.

करंट्या तुटलेपणाने 

अवघे विश्व सुन्न झाले !!!

नको विसंवादी तार,

नको आभासी मनोरा..

नको बोथट संवेदना,

जपणे दैवी नंदनवना

खरा मानव धर्म जाणा.

आवाज माझा मधुर खरा,

सुर तुझा सजव शुरा,

हार्मोनियम फुलव बरा,

संवादी सुर लाव जरा. 

घेवुनी कणखर सुकाणू

मार्ग शोधू विज्ञान जाणू

समृद्ध संपन्न तु जिवाणु..

हटवू.. संपवू तो विषाणू.

शिवं सुंदरम...जगासाठी,

तुझ्यासाठी...माझ्यासाठी.

-सुनील पंडित, पुणे.