चिम-चिम

चिमणा चिमणी अशी संसार जोडी

मौज सहजीवन नवी अवीट गोडी.

चिमणा बाबा सु-स्वभावी मधाळ,

चिमणी बाई तर सु-स्वरूप रसाळ.

रुबाबदार चिमणा निखालस तन्मणी,

कर्तबगार चिमणी चिरंतन चिंता-मनी.

स्वभाव तिचा तीक्ष्ण तेज कातरी,

वागायला थोडी, जरा जास्त भितरी.

दाणे टिपण्यात केवळ चिमणा निडर,

चिवचिव करण्यात प्रेमळ चिमणी बेडर.

ती म्हणे,अधिक जपणं..निव्वळ पांगूळपणा,

देऊ नका नाव,..त्याला सोज्वळ भितरेपणा.

प्रेमामध्ये दोघांच्या कधीच नव्हतं दूमत.

वागण्यामध्ये आता मात्र होईना एकमत.

एकदा का कसं झालं, ती खूपच मूसमसली.

तनमनाने दोघे पण कायमचीच हिरमुसली.  

घरटं दोघांचं सुंदर...झाले अचानक काळं,

क्षणात तिने ठोकले...दोषी नशिबालाच टाळं.

© सुनील पंडित पुणे.