सु-शांत राज

आत्मिक शांत सु-विद्य कलाकार तु असा,

आविष्कार जसा साक्षात श्रेष्ठ पंचमहाभुतांचा ,

तरी ही घातलीस साद,

तु सरळ मृत्यूदेवतेला, 

स्पर्शुनी त्या स्वप्नाळू मनोहर चंद्राला .

पृथ्वी रे का नको झाली होती तुजला?

अवघड महाकोडे घातलेस मानवाला.

सुटता सुटेना हा विलक्षण प्रश्नविळखा आता कुणाला ?

हतबल आहे तुझा जुवेबाज टेलिस्कोप या गूढ क्षणाला.

अर्पिलेस तु कायमचे तुझ्या 'स्व' ला, 

अग्नी जल वायु भुमी अन् आकाश तत्वाला.

पाच महातत्वांचा मिलाप मेळविलास तु शांत ,

अग्नीचा झळझळता तो प्रकोप प्रलयी,

जलधारा सळसळत्या जलद प्रवाही,

वायुचा अश्वमेघ धरिला तू महावेगे,

त्यागुनी लाडिक मनोहारी वसुंधरेला,

अवकाश अवघे व्यापिले सु-स्थित शांतीला,

पाहुनी आकस्मिक सामोरे सर्व पंचमहाभूतांना.

-सुनील पंडित