TAG-S-TORY : 10

महानदीच्या संथ प्रवाहात एक छोटी मोटर-बोट त्या दोघांसह स्वच्छंद विहारत होती.त्यांचा प्रणयी धुंद आविष्कार नजरेत भरुन घेताना, नदीकाठांवरील झाडवेलींची पाने मनोमन शहारत होती, लज्जामस्तीने सळसळत होती.लाजेने चूर होऊन काही फांद्यानी तर आपल्या माना वळवल्या. उत्साही सुर्य किरणांनी उत्तुंग मोहक पर्वत शिखराला लगोलग चुंबले. गोड आवाजात गीत गाताना भान हरपून तो उत्फुलतेने अचानक उभा राहिला. विहंगम निसर्गात त्याने दोन्ही हात उंचावले. पॅन्टच्या खिशातून त्याचा मोबाईल फोन बोटीमध्ये तिच्यासमोर पडला. तिने तो अगदी सहजतेने उचलला व  स्वंयप्रकाशित स्क्रीनसेव्हर अभावितपणे चमकला. तिने तो पाहिला व पिस्तुलाचा मोठा आवाज व्हावा तशी ती कर्कशपणे भयानक किंचाळली... झाडांवरील पक्षी आकाशात फडफडले. त्याने मागे वळुन पाहिले.

-सुनील पंडित.