TAG-S-TORY : 18

तिचे लोभस डोळे सैरभैर होऊन काळजीने अस्वस्थ वाटायचे. घरातील तिचा वावर काही दिवसांपासून थोडा सकुंचित झाल्यासारखा वाटायचा. तिची बोलकी शोधक नजर मनाला हुरहूर लावत होती. सर्वांना तिची अस्वस्थता कळत नव्हती असं नाही. तिची ती डौलदार मोहक चाल आता थोडी जबाबदारीची वाटत होती. काही दिवसांतच हे चित्र बदलले. आयुष्यातील प्रथम हूरहूर अस्वस्थता आणि परममत्वाचे अमृतमयी सुख, ती आज अनुभवत होती, कारण आता सर्वांची लाडकी मनी माऊ-ली झाली होती.

-सुनील पंडित.