स्टेडि "यम"

देवा, तुला रे का इतकी घाई झाली?

मनासारखं चालू होतं ना सगळं तुझ्या..!

मग का बरे तु.. अचानक हातघाईवर आलास?

अन् एकदम खेळच बदलून टाकलास!

करून बघ असे, असं कुणी म्हटलं होतं का तुला?

समजलयं आता...आमच्या सारखंच तुला ..

पाहिजे होतं सगळे, सगळे काही...फास्ट फास्ट!

अरे...आम्ही चुकलो...पण म्हणुन तु सुध्दा..!

तुझ्यासारख्याने पण.. तसंच चुकायचं का देवा?

खरंच कसोटीचा सामना सर्वांनाच आवडायचा,

चांगल्या 'बाॅल'ची खुप वेळ वाट पाहुन आम्ही,

कधीतरी एकदा चौका-छक्का मारायचो...!

वन-डे आली आणि मग त्या टार्गेटवर खेळून, 

फक्त पन्नाशींमध्ये एक दिवसीय जीवनानंद गाठला.

मग आली दिमाखात, खुळखुळणारी झटपट २०-२०.

तुझे वीस. अन् ..माझे वीस, अन् धावांची लयलूट.

इथली बाउंन्ड्री तर स्टेडि"यमा"ने चक्क गायबच केली.

कोण खेळतयं तिथं.. हे अजिबात समजेनासे झाले.

किर्र-केट आलं आणि 'बाॅल'चाच गेम झाला.

कोण चुकलं रे देवा इथं.. तुच सांग ना आता.!!

-सुनील पंडित